清酒可以存放多久

清酒可以存放多久是很多人的一個疑問，今日就同大家淺聊下關於清酒存放嘅話題。其實清酒冇嚴格意義上嘅保質期，用最佳適飲期嚟表述會更貼切‼️。如果你認真睇過酒瓶標籤，會發現只標示生產日期或者裝瓶日期，但清酒又係會受到溫度、紫外線、氧化等影響，所以有啲清酒達人會講唔論係邊一款清酒，存放環境都好重要。

✨最基本當然係：

要避免陽光直射（需要留意會產生紫外線嘅日光燈都要避免）

溫度最好係保持在10℃以下，酒瓶封口要緊密。

其實清酒買返嚟當然要飲啦，存放嘅話放返雪櫃冷藏或者專門嘅冷藏酒櫃都得。但係筆者飲咗清酒咁多年，同啲日本供應商、朋友都傾過呢個話題，只要冇直接曬到太陽底下，常溫存放一陣真係冇問題。又例如有經過火入嘅酒款，由於去除咗酒體中嘅火落菌同糖化酵素等微生物，所以酒體相對穩定，因此只要存放環境得當，個人認為存放兩年以內都冇問題，但係而家越來越受大家歡迎嘅未經過火入嘅生酒，最好係存放時間唔超過一年，因為生酒嘅特性，就算喺5℃嘅低溫貯藏，時間久咗都會產生一種叫做生老香嘅劣化臭。

仲有一種較為稀有嘅熟酒，又稱古酒，由於係所有清酒中只有好少一部分可以用嚟熟成，所以熟酒都係經過酒造精心挑選適合長時間存放熟成嘅⏰。不過我哋個人同酒造專業嘅存放環境唔能夠相提並論，所以唔能夠話存放十年八年，但係只要存放環境得當，亦唔排除存放越耐越好嘅情況。

#Sake #精米步合 #日本清酒 #清酒 #派對 #party #酒杯 #純米大吟釀 #本釀造 #純米酒 #大吟釀 #十四代 #梵 #而今 #新政 #大嶺 #黑龍 #日本 #日式料理 #山本 #三粒米 #獺祭 #風之森 #くどき上手 #作 #荷札酒 #龜泉 #磯自慢