【清酒推介】打邊爐、食芝士火鍋配咩清酒?大官、二官教你兩招神級配搭!
今日天氣明顯轉涼,最好就係約埋三五知己一齊烚吓烚吓。除咗傳統港式打邊爐,近年大家仲好興食香濃邪惡嘅「芝士火鍋」,同埋原汁原味嘅「海鮮蒸鍋」。不過,食呢兩款風味截然不同嘅鍋物,究竟配咩清酒先最夾、最唔會搶味又解膩呢?
今次大官同二官就為大家拆解兩款神級配搭——分別係微氣泡感十足嘅 新政 No.6 A-Type 純米酒 生酒,以及成班朋友聚會必備嘅 1.8L 巨無霸 鳳凰美田 Black Phoenix 無濾過本生 純米吟釀!
01 / 芝士火鍋絕配:新政 No.6 A-Type 純米酒 生酒
平時食瑞士芝士火鍋(Cheese Fondue),大家可能習慣配白葡萄酒,但大官就大力推介呢支深紅色樽身嘅 新政 No.6 A-Type!點解佢同芝士咁夾?因為佢屬於「生酒」,喺新政眾多帶有微氣泡嘅酒款當中,A-Type 嘅氣泡感特別鮮明活潑。當你用麵包或者薯仔點滿熱辣辣、溶咗嘅香濃芝士放入口,再即刻飲一啖冰凍嘅 A-Type,佢清爽嘅氣泡同六號酵母標誌性嘅明亮酸度,可以瞬間化解芝士嘅厚重油膩感,令你一啖接一啖完全唔覺得漏!

02 / 海鮮蒸鍋首選:鳳凰美田 Black Phoenix 純米吟釀
如果係一大班朋友去食海鮮蒸鍋或者海鮮火鍋,二官就話「梗係飲支 1.8L 啦!」而佢嘅心水推介,就係栃木縣小林酒造嘅名作——鳳凰美田 Black Phoenix 純米吟釀。呢支酒採用咗珍貴嘅夢幻酒米「愛山」釀造,帶有華麗嘅熱帶水果香氣同細膩甘甜,收結依然乾淨俐落。之前有熟客特登搵二官推介海鮮火鍋配酒,飲完第二日即刻大讚四個字:「冇介紹錯!」份量夠大支,成班人一人一杯啱啱好,性價比同氣氛都滿分。

03 / 清酒小知識 : 清酒界精品潮牌 新政 No.6 系列
既然講起新政 No.6 A-type,不如就講多少少呢個系列啦。新政酒造嘅「No.6」系列,係向 1930 年酒造分離出嘅「協會 6 號酵母」致敬之作,全線採用秋田米、生酛製法並以低溫「生酒」推出,保留新鮮微氣泡與俐落果酸。
系列分為三款常規型號,各有特色與配食之道:
R-type(Regular): 酸度爽快解膩,最啱配炸物或串燒。
S-type(Superior): 甜酸黃金比例,青蘋果與白桃香氣突出,配刺身、海鮮一流。
X-type(eXcellent): 絲綢般優雅細膩,媲美頂級白酒,適合配 Parma Ham 或軟質芝士。
而 A-type(Astral),係非常規型號,係每年 6 月 6 日前後發售嘅星辰限定版,風味濃郁華麗,配芝士火鍋或作餐前酒極具驚喜。
喺日本當地,No.6 被譽為「清酒界精品潮牌」,前衛酒標同低酒精度成功打破清酒老土印象。加上酒造嚴格執行特約店冷鏈制度,令 No.6 長年一瓶難求。飲用時記得雪凍並用白酒杯品嚐,細味呢份震撼日本清酒界嘅清新魅力。
ELEVATE YOUR HOTPOT NIGHT
今晚準備約朋友食芝士火鍋定海鮮蒸鍋?即刻上 Greater Bay Sake 揀好你嘅心水配酒啦!
探索 新政 No.6系列 探索 鳳凰美田 清酒系列